ہجر کا مارا ہو سکتا ہے

[intelligent086]

غیر کے ہات میں ہات ہمارا؟
وہم تمھارا ہو سکتا ہے

کیوں جاگے ہے شب بھر چندا؟
ہجر کا مارا ہو سکتا ہے

کیا چمکے پلکوں میں پل پل ؟
ٹوٹا تارا ہو سکتا ہے

کون وفا کی دولت مانگے؟
دل بے چارا ہو سکتا ہے

کیسے ساگر بیچ وہ ڈوبا ؟
دور کنارہ ہو سکتا ہے

بولو کیا ہے بند آنکھوں میں؟
خواب تمھارا ہو سکتا ہے

پوچھو ہو تم پیار کی بابت؟
جھوٹا لارا ہو سکتا ہے

تم نے ہمیں ہے چاند پکارا؟
استعارہ ہو سکتا ہے
***

[intelligent086]

@Mariaa @maya